«Қайсар» жанкүйерлері клуб басшылығы мен жаттықтырушылар штабына талап қойды

«Қайсар» клубының бұрынғы спорт директоры Алдан Балтаев пен бас бапкер Андрей Ферапонтов команда жанкүйерлерімен кездесу өткізді, деп хабарлайды ASnews.kz.

Кездесу барысында жанкүйерлер капитан Думан Нәрзілдаев пен жас қорғаушы Темірлан Мұрзағалиевті «Тұран» клубынан қайтару туралы ұсыныс айтты. Алайда қазіргі таңда бұл ойыншыларды «Қайсарға» қайтару мүмкін емес екені белгілі болды.

Жаңа клуб басшылығымен ортақ келісімге келе алмаған Алдан Балтаев қызметінен кету туралы шешім қабылдады.

Сондай-ақ жанкүйерлер Андрей Ферапонтовтың көрсетіп жатқан нәтижелеріне көңілдері толмайтынын жеткізді.

ҚПЛ-дың алғашқы үш турында «қасқырлар» небәрі екі ұпай ғана жинады.