«Тобылдың» жаңа вингерінің агенті: Ресей мен Сауд Арабиясынан қызығушылық болды

«Тобылдың» венесуэлалық вингері Луис Герраның өкілі Даниэль Мендес ASnews.kz сайтына берген сұхбатында ойыншының Қазақстанға ауысуына қатысты пікір білдірді.

«Тобылмен» алғашқы байланыс бір ай бұрын орнады. Клуб басшылығына қызығушылық танытқаны үшін шын жүректен алғыс айтамын. Тарихы терең мұндай командаға ауысу – үлкен мәртебе.

Сондай-ақ Луиске Бразилия, Колумбия, Чили, Сауд Арабиясы, Ресей, Грекия және Кипр елдерінен қызығушылық болды.

Ол әзірге ағылшынша сөйлей алмайды, бірақ бейімделуге көмектесуі үшін тілді онлайн үйреніп жатыр. Жергілікті жанкүйерлерге мол қуаныш сыйлаймыз деген үміттеміз», – деді Мендес.

Еске салайық, қостанайлықтар трансферлік құны 900 мың еуроға бағаланатын 29 жастағы қапталдағы шабуылшымен келісімшарт жасасқан болатын.

Бұған дейін Герра чилилік «Лимаче» сапында өнер көрсетіп, 38 ойында алты гол соқты және 13 нәтижелі пас берді.