«Ақтөбе» Костовтың болашағы жайлы пікір білдірді: ол жұмысын жалғастырады

«Ақтөбе» футбол клубы бас бапкер ауысуы мүмкін деген ақпаратқа қатысты пікір білдірді, деп хабарлайды ASnews.kz.

«Қазіргі уақытта Николай Костов клубтың бас бапкері ретінде жұмыс істеуде. Оның жетекшілігімен команда жаңа маусымға дайындық аясында Түркияда оқу-жаттығу жиынын өткізуде», – деп мәлімдеді клуб өкілдері ASnews.kz тілшісіне.

Бұған дейін бұқаралық ақпарат құралдарында жақын күндері Костовпен келісімшартты бұзатынын және екінші оқу-жаттығу жиынында команданы украиналық маман Виктор Скрипник дайындайтыны жөнінде ақпарат тараған болатын.