Слука – «Слован» – «Қайрат» матчы туралы: алаң иелері келесі кезеңге өтеді

«Тұранның» бұрынғы қорғаушысы Бранислав Слука BorodAbata.kz сайтына берген сұхбатында Чемпиондар лигасының үшінші іріктеу кезеңінде «Слован» мен алматылық «Қайрат» арасындағы қарымта матч жайлы ойымен бөлісті.

«Екінші матчта «Слован» жеңеді деп ойлаймын. Бізді 20 мыңға жуық көрермен қолдайды, бұл маңызды фактор. Мен біздің пайдамызға 2:0 немесе 2:1 есебі тіркеледі деп болжап отырмын, ойын қосымша уақытқа созылуы мүмкін – көп нәрсе «Қайраттың» уақыт белдеуі мен ортаға қалай бейімделетініне байланысты. Бұл қазақстандық клубтар үшін үлкен проблема. 2021/22 жылғы маусымда «Тобылды» қабылдаған кезде Тағыберген Жилинада тыныс алудың қиынға соққанын айтты. Менің ойымша, келесі кезеңге «Слован» өтеді», - деді Слука.

Ол 17 жастағы шабуылшы Дастан Сәтпаевқа да баға берді:

«Оның техникасы, шеберлігі, потенциалы өз жасына сай. Бәрін болашақта көре жатармыз. Оның Братиславада қалай өнер көрсететінін көрелік», – деді футболшы.

Қарымта кездесу 12 тамызда Словакия астанасында өтеді. Жеңімпаз команда Чемпиондар лигасының плей-офф кезеңінде «Селтикке» қарсы ойнаса, жеңілген ұжым Еуропа лигасына жолдама алады.

2021/22 жылғы маусымда Конференция лигасының үшінші іріктеу кезеңінде «Тобыл» словакиялық «Жилинадан» 0:6 есебімен жеңіліп қалды. Екі кездесуге де Словакия жастар құрамасы мен «Тұранның» экс-ойыншысы Бранислав Слука қатысты.