Владимир Вайсс: керемет үш жылымды өткізген командаға қарсы ойнағым келмеді

Бұрын «Қайратты» жаттықтырған «Слованның» қазіргі бас бапкері Владимир Вайсс Чемпиондар лигасында алматылық командамен болатын ойын туралы пікірімен бөлісті, деп хабарлайды BorodAbata.kz.

«Жеребе тарту рәсімі өткенде бұл туралы ештеңе айтпадым. Бір жағынан таныс адамдармен қайта қауышатыныма қуансам, екінші жағынан қиын болса да, үш жылымды өткізген командаға қарсы ойнайтыныма қатты қуанбадым. Менде көптеген суреттер, естеліктер бар... Біз чемпионатта топ жара алмадық, бірақ Қазақстан кубогын екі рет ұтып алған едік. «Қайраттағы» жолым осылай басталды.

Қайрат Советайұлының қандай жұмыс жасағанын Сәтпаевтың ойынынан көруге болады. Бұл философия 2013 жылы пайда болды. Ол кезде ештеңе болған жоқ, бірақ клуб біртіндеп күшейе берді. Барша жанкүйерлерді, клубтың өзін және Қайрат Боранбаевты құттықтаймын. Ертең бізді тамаша стадион күтіп тұр – бұл кез келген жаттықтырушының, футболшының және менеджердің арманы. «Қайраттың өз арманы бар. Өткен жылдың жетістігін қайталау арманы бар», - деді Владимир Вайсс.

«Қайрат» пен «Слован» арасындағы алғашқы кездесу 6 тамызда Алматыдағы Орталық стадионда өтеді. Матчтың жеңімпазы Чемпиондар лигасының плей-офф раундына, ал жеңілгені Конференция лигасының топтық кезеңіне өтеді.