«Арман орындалды»: Покатилов «Сабахтың» ЧЛ-дағы тарихи жеребесіне пікір білдірді

Әзірбайжандық «Сабах» пен Қазақстан құрамасының қақпашысы Стас Покатилов 2026/27 жылғы маусымдағы Чемпиондар лигасының негізгі кезеңіндегі жеребе қорытындысынан кейін өз әсерімен бөлісті, деп хабарлайды ASnews.kz.

Жеребе нәтижесі бойынша бакулік клуб өте күрделі қарсыластармен кездеседі: «Барселона», «Арсенал», дортмундтық «Боруссия», «Манчестер Юнайтед», «Наполи», «Вильярреал», прагалық «Славия» және «Викинг».

«Арман орындалды. Чемпиондар лигасының тобына шығамыз. Жанымда болған және сенген барлық жандарға рахмет. Бұл тек бастамасы!», – деп жазды «Сабах» капитаны өзінің Instagram парақшасында.

Бұған дейін Стас Покатилов лондондық «Арсеналдың» өзінің сүйікті командасы екенін және «зеңбірекшілерге» қарсы ресми деңгейде ойнауды әрқашан армандағанын мойындаған болатын.

2017 жылы құрылған «Сабах» клубы үшін Чемпиондар лигасының негізгі раундына қатысу өз тарихында тұңғыш рет орын алып отыр.