«ҚПЛ – күшті чемпионат»: «Паневежис» ойыншысы КЛ матчы алдында «Тобылдың» қауқары туралы айтты

«Паневежистің» сенегалдық қорғаушысы Сейдина Кейта ASnews.kz басылымына берген сұхбатында Конференциялар лигасының екінші іріктеу кезеңіндегі қостанайлық «Тобылға» қарсы матч алдында бірқатар сұрақтарға жауап берді.

Литвадағы ойын дөрекі әрі бейберекет болды: ойыншылар толқып жүр ме?

«Бұл болжамды жағдай еді – командалар бір-бірімен таныс емес, сондықтан біз қобалжымасақ та, жеткілікті түрде дайын болмағанымыз анық. Кейбір сәттерде күтпеген жайттар орын алды», – деді Кейта.

Струмия, Смит немесе Тигруджа сияқты бұрынғы командаластарынан «Тобыл» туралы сұрастырды ма?

«Шынымды айтсам, бұған дейін Шафик Тигруджамен ҚПЛ туралы аз айтқан жоқпыз. Мен бұл бәсекелестігі жоғары чемпионат екенін әрқашан түсінетінмін және егжей-тегжейлі мәліметтерді естігенмін, сондықтан бұл тіпті қызықты».

Қостанайлықтар Литва чемпионатында қай орынды иеленер еді?

«Мен «Каунас» пен «Жальгириске» қарсы ойнадым, сондықтан айтарым – бұл топ-клубтар. Кезінде «Паневежис» те солардың деңгейінде болған. Дегенмен, болжау қиын, өйткені лигада не болса да орын алуы мүмкін. «Тобылдың» ол жақта екінші немесе соңғы орын алатынын ешкім де білмейді».

Еске сала кетейік, 33 жастағы Сейдина Кейта «Паневежистің» өз алаңындағы ойында (1:1) «Тобыл» қақпасына соққан жалғыз голының авторы атанған еді. Қарымта матч 30 шілдеде өтеді.

Литва чемпионаты футболшыларының жалпы құны 56,25 млн еуроға бағаланса, Қазақстан чемпионатының құны – 97,18 млн еуро.

«Қостанайда жаттығуға мүмкіндік берілмеді»: «Паневежистің» бапкері – Конференциялар лигасындағы «Тобылға» қарсы матч туралы