«Сутьесканың» «Қайратты» жеңу мүмкіндігі бар»: Черногория құрамасының экс-ойыншысы – ЧЛ матчы туралы

Черногория құрамасының және «Ақтөбенің» бұрынғы жартылай қорғаушысы Милош Раичкович ASnews.kz сайтына берген сұхбатында Чемпиондар лигасындағы алматылық «Қайратқа» қарсы матчта «Сутьесканың» мүмкіндіктерін бағалады.

«Бізді анық қызықты екі матчтық текетірес күтіп тұр. Бұл дуэльде «Қайрат» фаворит саналынады – ең алдымен, олардың еурододалардағы үлкен тәжірибесі бар, бәріміз де олардың жақында ғана Чемпиондар лигасының негізгі кезеңінде өнер көрсеткенін білеміз. Бұдан бөлек, алматылықтардың қаражаттық қауқары де әлдеқайда көп, ал қағаз жүзінде – сапалы әрі қымбат ойыншылар жиналған. Дегенмен, бұл артықшылықты олар алаңда дәлелдеуі керек.

Ал «Сутьескаға» келетін болсақ, олар Черногорияда лайықты түрде чемпион атанды. Ол жақта жас және тәжірибелі футболшылардың тамаша үйлесімін тауып, мықты команда құра білді. Никшич қаласының клубында келесі кезеңге өтуге міндетті түрде мүмкіндік болады деп ойлаймын, бірақ қайталап айтамын: «Қайрат» – айқын фаворит», – деді Раичкович.

Еске сала кетейік, алматылық «Қайрат» Чемпиондар лигасының келесі кезеңіне шығу үшін Черногория чемпионы «Сутьескамен» бақ сынайды. Алғашқы кездесу 7/8 шілдеде Алматыда өтсе, қарымта матч бір аптадан кейін Никшичте ұйымдастырылады.

Милош Раичкович Қазақстан чемпионатының 2023 жылғы маусымында «Ақтөбе» сапында өнер көрсеткен. Черногориялық хавбек «ақ-қызылдар» құрамында барлық турнирлерде 30 матч өткізіп, екі гол соқты және командамен бірге ҚПЛ-дың қола жүлдегері атанды.