«Брюгге» футболшысы – «Астана Аренаның» төсеніші жайлы: бейімделуге тура келеді

«Брюгге» клубының шабуылшысы Ромео Вермант ASnews.kz сайтына берген сұхбатында «Қайратқа» қарсы матч өтетін «Астана Аренаның» төсенішіне қатысты пікір білдірді.

«Бутсыларды ауыстыру қажет, әрі жаттығу кезінде осы алаңға бейімделуге тырысамыз. Әрине, жасанды алаңда доптың жүруі өзгеше, ойын жылдамдығы да басқа болады. Кәсіби футболшылар ретінде біз мұндай матчтарға дайын болуымыз керек», – деді ойыншы.

Чемпиондар лигасының жалпы кезеңіндегі 7-тур ойыны ертең, 20 қаңтарда, «Астана Аренада» өтеді. Бұл алматылық клубтың еурокубок маусымында өз алаңында өткізетін соңғы ойыны болмақ.