Ислам Чесноковтың жаңа клубы танымал комментаторды сотқа бермек: үлкен жанжал өршіп барады

Қазақстан құрамасының вингері Ислам Чесноков өнер көрсететін самарлық «Крылья Советов» спорт тележүргізушісі әрі комментатор Дмитрий Губерниевке қарсы сотқа шағым түсіруге дайын, деп хабарлайды ASnews.kz «Чемпионат» басылымына сілтеме жасап.

Түсініспеушілік Ресей кубогы аясындағы «Зенитке» қарсы матчта (0:0, пен. 3:5) орын алды. Эпизодтардың бірінде петерборлықтардың қорғаушысы Роман Веги өзінің командаласы Нұралы Әліппен соғысып қалып, басынан жарақат алды. «Крылья» ойыншылары төрешінің ойынды тоқтатқанына наразылық білдіргенде, Губерниев «Матч ТВ» тікелей эфирінде самарлықтардың мекенжайына ауыр сөздер айтты:

«Футболшы жерде жатыр, басын ұстап алған. «Крылья Советов» ойыншыларына сұрақ: төрешіге не үшін кінә артып тұрсыңдар? Алаңда өздеріңді шошқа сияқты ұстап жүрсіңдер!».

Самарлық клуб «Матч ТВ» және «Газпром-Медиа Холдинг» басшылығына кешірім сұрауды талап етіп ресми өтініш жіберді, алайда тележүргізушінің өзі айтқан сөздері үшін өкінуден бас тартты.

«Біз ресми өтінішімізге «Матч ТВ» немесе «Газпром-Медиа Холдинг» басшылығы тарапынан жауап күтеміз. Егер бұл жауап болмаса немесе қалыптасқан жағдайда біз күткендей нәтиже бермесе, клубымыз әділ шешімге қол жеткізу үшін телеарна жүргізушісіне қарсы сотқа шағым түсіруге дайын. Бірақ істің бұған дейін жетпегенін өте қатты қалаймыз. Біз тек бір адамның кесірінен туындаған жанжалдың өршуіне мүдделі емеспіз және бұл мәселенің тезірек шешілуін күтеміз», – деп мәлімдеді «Крылья Советов» баспасөз қызметі.

Қазақстан құрамасының 26 жастағы вингері Ислам Чесноков осы трансферлік кезеңде қостанайлық «Тобылдан» «Крылья Советов» жалға ауысты.

«Зенит» ойыншысының жарақат алуымен аяқталған атышулы эпизодқа Қазақстан құрамасының қорғаушысы Нұралы Әліп де тікелей қатысып, өз командаласымен соқтығысып қалған болатын.

Ислам Чесноков: өмірбаяны, толық ақпарат, жалақысы, жеке өмірі. «Крылья Советовке» ауысуы