Ikki barobar ko‘p: Qozog‘iston va O‘zbekiston terma jamoalaridagi legionerlar sonini solishtiramiz

O‘zbekiston va Qozog‘iston milliy terma jamoalari bo‘lajak kuzgi o‘yinlarga chaqirilgan futbolchilarning yakuniy ro‘yxatini e’lon qildi.

ASnews.kz sharhlovchisi har ikkala jamoaning qaydnomalarini o‘rganib chiqdi. Statistika o‘z mamlakatidan tashqarida to‘p surayotgan futbolchilar sonida ikki barobar farq borligini, shuningdek, chempionatlar geografiyasida ham tafovutlar mavjudligini ko‘rsatmoqda.

O‘zbekiston terma jamoasi: 10 legioner (31 futbolchidan)

O‘zbekiston terma jamoasi murabbiylar shtabi tarkibga xorijiy ligalardan 10 nafar futbolchini kiritdi. O‘yinchilarning katta qismi uzoq xorij chempionatlarida, jumladan Angliya («Manchester Siti»), Belgiya («Antverpen») va Shveysariyada («Lugano») to‘p suradi:

• Abduqodir Husanov («Manchester Siti», Angliya)

• Muhammadali O‘rinboyev («Antverpen», Belgiya)

• Behruzjon Karimov («Lugano», Shveysariya)

• Abbosbek Fayzullayev («Bashakshehir», Turkiya)

• Eldor Shomurodov («Bashakshehir», Turkiya)

• Mahmudjon Mahamadjonov («Dinamo» Maxachqala, Rossiya)

• Jahongir O‘rozov («Rubin», Rossiya)

• Umarali Rahmonaliyev («Sabah», Ozarbayjon)

• Azizjon G‘aniyev («Baniyas», BAA)

• Odiljon Hamrobekov («Traktor», Eron)

Qozog‘iston terma jamoasi: 5 legioner (28 futbolchidan)

Jon van ’t Sxip boshchiligidagi Qozog‘iston terma jamoasi qaydnomasiga xorij chempionatlarida to‘p suradigan besh nafar futbolchi kiritildi. Ularning to‘rt nafari Rossiya, bir nafari esa Ozarbayjon chempionati vakili hisoblanadi. Uzoq xorijda o‘ynayotgan futbolchilar ro‘yxatda yo‘q: Angliyaning «Byornli» klubining 18 yoshli hujumchisi Dastan Satpayev jarohati sababli bo‘lajak o‘yinlarni o‘tkazib yuboradi:

• Nurali Alip («Zenit», Rossiya)

• Maksim Samorodov («Axmat», Rossiya)

• Galimjan Kenjebek («Axmat», Rossiya)

• Islam Chesnokov («Krilya Sovetov», Rossiya)

• Stas Pokatilov («Sabah», Ozarbayjon)

Qozog‘iston terma jamoasi UEFA Millatlar ligasi doirasida to‘rtta o‘yin o‘tkazadi: mehmonda Farer orollari (26-sentabr) va Slovakiyaga (29-sentabr) qarshi, shuningdek, o‘z maydonida Moldovaga (2-oktabr) va yana Farer orollariga (6-oktabr) qarshi maydonga tushadi.

O‘zbekiston terma jamoasi ushbu muddatda bir qator o‘rtoqlik uchrashuvlarini o‘tkazadi: Eronga (24-sentabr), Suriyaga (1-oktabr) va Janubiy Koreyaga (6-oktabr) qarshi.

Qozog‘istonlik mutaxassis O‘zbekistonga JChda yordam berdi: Husanov – o‘z yigitimiz, Kannavaro esa – professional