«Ақтөбе» Венесуэла құрамасының қорғаушысын алғысы келеді

«Ақтөбе» клубы 32 жастағы венесуэлалық орталық қорғаушы Вилькер Анхельді қатарына қосуды жоспарлап отыр, деп хабарлайды ASnews.kz.

Дереккөздің мәліметінше, клуб пен ойыншының өкілдері арасындағы келіссөздердің соңғы сатысы өтуде. Сонымен қатар тәжірибелі қорғаушыға Бразилияның бірнеше клубы да қызығушылық танытып отыр.

Өткен жылы Анхель Бразилияның А сериясындағы «Жувентуде» клубында 18 матч өткізіп, бір гол соқты. Бұған дейін ол Ресейдің «Ахмат» және Түркияның «Гезтепе» клубтарында өнер көрсеткен. Сондай-ақ Венесуэла құрамасы сапында 46 ойынға қатысып, бір мәрте қарсылас қақпасын дәл көздеген.