«Қайсар» әйелдер клубында туындаған мәселелерді шеше алмауда

«Қайсар» әйелдер командасының футболшылары жаңа маусымға дайындық барысында бірқатар қиындыққа тап болды, деп хабарлайды ASnews.kz.

Қазіргі уақытқа дейін клуб қыздармен келісімшарт жасаспаған. Осы жағдайды «Атырау» пайдаланып, «Қайсардың» бапкерлері мен бірнеше ойыншысын өз қатарына қосып алды. Сонымен қатар, бюрократиялық кедергілерге байланысты команда Ғ. Мұратбаев атындағы стадионда және қосалқы алаңда жаттығу өткізе алмай отыр.

Әйелдер командасына облыстық бюджеттен 281 миллион теңге бөлінгенімен, қаржыландыру кезінде белгілі бір мәселелер туындаған.

«Қайсар» футбол клубы 2025 жылдың 30 қазанынан бастап TAU Group LTD компаниясының басшысы Исламғали Қозбаковтың жеке басқаруына ресми түрде берілген еді.