Белгілі агент – «Қайраттың» Чемпиондар лигасындағы жеңілісі туралы: бұл әлсіз «Левски» еді

Болгариялық агент Мирчо Димитров ASnews.kz сайтына берген сұхбатында «Левскидің» Чемпиондар лигасының үшінші іріктеу раундындағы қарымта кездесуде «Қайратты» жеңе алатынын мәлімдеді.

«Мен «Левскидің» ойынын үнемі бақылап отырамын, сондықтан былай айтайын: бұл олардың орындауындағы өте әлсіз ойын болды. Бәлкім, бұған «Қайраттың» қорғанысқа тығылып, дерлік шабуыл жасамағаны себеп болған шығар. Бірақ екі басты футболшысы – Майкон мен Бурассыз ойнамаған соң, алаң иелеріне қайта құрылуға тура келді.

Бұл «Левски» көрсете алатын ең жоғары деңгей емес. Әдетте олар бұдан әлдеқайда жақсы өнер көрсетеді. Жоғарыда аталған ойыншылар алаңға шықса, болгариялықтар «Қайратты» тіпті Қазақстанда да жеңе алады», – деді Димитров.

Еске сала кетейік, «Қайрат» Софияда «Левскиден» минималды есеппен ұтылды (0:1). Португалиялық жартылай қорғаушы Сержинью кездесудің 92-минутында Темірлан Анарбековтің қақпасын дәл көздеді. Қарымта матч 11 тамызда «Түркістан Аренада» өтеді.

Мирчо Димитров Атанас Курдовтың трансферіне, сондай-ақ Станимир Стоиловтың «Астананың» бас бапкері қызметіне тағайындалуына қатысы бар маман. Сонымен қатар 2019 жылы болгариялық агент Еркебұлан Сейдахметтің «Левскиге» ауысуын ұйымдастырған болатын.

Түркістанда шайқас болады деп сөз берді: Уразбахтин «Қайраттың» «Левскиден» ұтылуын талдап берді