Сәтпаевтың жаңа командаласы: «Челси» Ла Лигадан қорғаушы сатып алды

Лондондық «Челси» «Райо Вальеканоның» испаниялық сол қаптал қорғаушысы Пеп Чаваррияның ауысуы бойынша келісімге келді, деп хабарлайды ASnews.kz инсайдер Фабрицио Романоға сілтеме жасап.

Дереккөздің мәліметінше, трансфер толығымен жабылды, ал клубтар қажетті құжаттармен алмасып үлгерді.

Трансфердің бекітілген құны €19 млн құрайды. Тағы €2 млн испаниялық клуб үшін қосымша бонустар ретінде қарастырылған.

Жақын арада Чаваррия медициналық тексеруден өтіп, лондондықтармен жеке келісімшартқа қол қояды.

Еске сала кетейік, «көктер» сапында Қазақстан құрамасының шабуылшысы Дастан Сәтпаев өнер көрсетеді. Ол қазіргі уақытта Азияда «Челсидің» негізгі құрамымен маусымалды оқу-жаттығу жиындарынан өтуде.

Ертең, 8 тамызда Хаби Алонсоның шәкірттері италиялық «Миланға» қарсы жолдастық кездесу өткізеді.

Заңды түрде Сәтпаев лондондықтардың ойыншысы мәртебесіне 12 тамызда – кәмелетке толатын күні ие болады.

Дастан Сәтпаев: өмірбаяны, толық ақпарат, жалақысы, жеке өмірі. «Челси» сапындағы алғашқы голы