«Бавария» сапындағы Қазақстан құрамасына үміткер футболшы жарақат алды

Мюнхендік «Баварияның» қосалқы командасында ойнайтын 19 жастағы шабуылшы Артур Деграф бірнеше аптаға қатардан шықты, деп хабарлайды ASnews.kz.

Кезінде Қазақстаннан Германия жеріне қоныс аударған отбасыдан шыққан футболшы жаттығу кезінде санын жарақаттап алған. Осыған байланысты ол шамамен бір ай бойы алаңға шықпайды. Регионалдық лиганың соңғы турында «Меммингенге» қарсы өткен ойында вингер командасына пенальти алып беріп, бір нәтижелі пастың авторы атанған. Соның арқасында «Бавария» 2:2 есебімен тең нәтижеге қол жеткізді.

Қазіргі уақытта мюнхендіктердің қосалқы командасы турнир кестесінде алтыншы орында тұр. Деграфтың еншісінде 3 гол мен 5 нәтижелі пас бар.

Футболшының әкесі Қарағанды облысының тумасы болса, анасы Абай облысынан шыққан. Деграф осы уақытқа дейін Германияның жасөспірімдер құрамасында ойнамаған.

«ҚФФ ұсынысын қарастырар едік»: «Бавария» шабуылшысы Қазақстан құрамасында ойнауы мүмкін