«Гол соғу – менің жұмысым»: Гуаль «Қайрат» сапындағы хет-тригінен кейін сұрмергендер таласы туралы

Алматылық «Қайраттың» испаниялық шабуылшысы Марк Гуаль ASnews.kz тілшісіне берген сұхбатында ҚПЛ-дің 23-туры аясында павлодарлық «Ертіске» (5:0) қарсы өткен үйдегі матчтың нәтижесіне пікір білдірді.

«Әрине, хет-трик жасағаныма өте қуаныштымын. Бұл мен үшін, өзіме деген сенімділігім үшін маңызды, бірақ ең бастысы – команданың жеңісі. Сұрмергендер таласына келетін болсақ... Титул жеңіп алу әрдайым жағымды, бірақ мен тек матчтарда жеңіске жетіп, гол соғу туралы ғана ойлаймын – бұл менің жұмысым. Мен бұл (титул – еск.) туралы көп ойламауға тырысамын», – деді Гуаль.

Айта кетейік, ҚПЛ-дың 23-туры аясында «Қайрат» өз алаңында павлодарлық «Ертісті» 5:0 есебімен тас-талқан етті. Кездесудің басты қаһарманы хет-трик авторы атанған Марк Гуаль (15, 34 және 74-минуттар) болды. Қонақтар қақпасына тағы бір-бір доптан Эдмилсон (16-минут) мен Азамат Тұяқбаев (83-минут) соқты.

Осы жеңістен кейін алматылықтар 63 ұпай жинап, турнирлік кестенің екінші сатысына нық табан тіреді және шымкенттік «Ордабасыны» өкшелеп келеді (арадағы айырмашылық төрт ұпай). Ал «Ертіс» 26 ұпаймен бірінші лигаға түсіп қалу қаупі бар аймаққа жақын тұр.

Испаниялық шабуылшы өз еншісіндегі 11 голмен сұрмергендер кестесінде үшінші орында тұр. «Астана» сапында өнер көрсететін хорватиялық Марин Томасов та дәл осынша гол соққан. Бірінші орында – «Ордабасының» норвегиялық шабуылшысы Бьорн Йонсен (14 гол).

«Кімді үздік деп тұрғандарыңызды білмеймін»: «Жеңіс» қорғаушысы «Тобылдың» шабуылшылары туралы