«Шектен шыққан бассыздық»: «Қайраттың» экс-басшысы «Ақтөбе» мен «Ордабасы» матчына қатысты пікір білдірді

Алматылық «Қайраттың» бұрынғы бас директоры Марат Баймұханов Қазақстан премьер-лигасының 23-турындағы кейінге шегерілген «Ақтөбе» мен шымкенттік «Ордабасы» (1:3) арасындағы матчтағы төрешілікке пікір білдірді, деп хабарлайды ASnews.kz.

Бұған әлеуметтік желілерде таралған дөрекі ойын бейнеленген видеоролик себеп болды: онда «Ордабасы» капитаны Сергей Малыйдың «Ақтөбе» шабуылшысы Даниэль Сосаны иығымен әдейі соққан сәті көрсетілген. Осы видео жарияланған жазбаның астына функционер қысқаша пікір қалдырды:

«Шектен шыққан бассыздық... Біздің футбол қайда кетіп бара жатыр...»

Айта кетейік, ҚПЛ-дың 23-турындағы орталық кездесуде «Ақтөбе» өз алаңында «Ордабасыға» 1:3 есебімен жол берді. Алаң иелері бірінші болып есеп ашты – 21-минутта Даниэль Соса мергендігімен көзге түсті. Алайда үзілістен кейін шымкенттіктер Лео Натель (47'), Сергей Малый (53') және Тидиан Кейтаның (77') голдарының арқасында камбэк жасады.

Матч бас төреші Антон Кучманың жанкүйерлер мен алаң иелерінің бапкерлер штабының наразылығын тудырған бірқатар даулы шешімдерімен есте қалды. 73-минутта рефери доп қолға тиді деген себеппен Сосаның голын есепке алмады. Ал төрешілікке қатысты даудың шарықтау шегі 87-минутта болды: Сергей Малыйдың ашық дөрекілігінен кейін арбитр қазақстандық қорғаушыны тікелей алаңнан қуу арқылы жазалаудың орнына, зардап шеккен нигерлік шабуылшының өзіне сары қағаз көрсетті.