«Ордабасы» қысқы оқу-жаттығу жиындарының жоспарын бекітті: толығырақ

Қазақстан премьер-лигасының көшбасшысы шымкенттік «Ордабасы» 2027 жылғы маусымға дайындық аясында оқу-жаттығу жиындарының (ОЖЖ) жоспарын бекітті, деп хабарлайды ASnews.kz.

Шымкенттіктер маусымаралық дайындықтың бірінші кезеңін Біріккен Араб Әмірліктерінде өткізеді. Екінші оқу-жаттығу жиынына команда Түркияға аттанады. Бақылау матчтарындағы қарсыластар тізімі тиісті келісімдер жасалғаннан кейін қосымша жарияланатын болады.

Чемпионаттың аяқталуына үш тур қалғанда «Ордабасы» 64 ұпаймен ҚПЛ турнирлік кестесінде сенімді түрде көш бастап тұр. Оның ең жақын қудалаушысы алматылық «Қайрат» төрт ұпайға қалып келеді (60 ұпай), ал көшбасшылар үштігін елордалық «Астана» (51 ұпай) қорытындылап тұр.

Айта кетейік, чемпиондық атаққа қол жеткізген жағдайда «Ордабасы» Қазақстан намысын УЕФА Чемпиондар лигасының іріктеу кезеңінде қорғау құқығына ие болады. Команда Еуропаның басты клубтық додасындағы жолын бірінші іріктеу раундынан бастайды.

Орташа жасы – 21,9: «Шахтер» «Тұранға» қарсы матчта жастарға мүмкіндік берді