Бітпейтін жарақаттар мен Тағыбергеннің күтпеген шешімі: «Тобыл» бапкері «Қайсарды» жеңгені туралы айтып берді

«Тобылдың» бас бапкері Мирослав Ромащенко ASnews.kz басылымына берген сұхбатында ҚПЛ-ның кейінге қалдырылған 21-турының матчында «Қайсарды» жеңгеннен кейінгі (3:2) пікірін білдірді.

Сиссе дисквалификация алған жоқ: Гвинея құрамасының жартылай қорғаушысы қайда жоғалды?

«Маусым басынан бері жарақаттар мен түсініксіз жағдайлар толастамай келеді, бұл футболшылардың жаттығу үрдісіне қатыса алмауына кері әсер етуде. Команданы базаның жоқтығы шаршатты. Сиссенің тізе буыны жиі мазалап жүр. Ешқандай соқтығысу болмаған сияқты еді, бірақ бұл жарақат Абдулайға ойнауға мүмкіндік бермеді.

Сондай-ақ Талалға да ризашылық білдіру керек – ол матчқа үш күн қалғанда мүлдем жаттыққан жоқ, тобық сіңірінің жарақаты бар болатын. Тек мінездің арқасында және әр матчта максималды нәтижеге жетуіміз керек болғандықтан Амин алаңға шықты. Өте жақсы ойнады. Сенхаджи ме? Павлодарда болған жағдайдан кейін (2:0) оның аман-есен екі аяғымен қалғанына қуаныштымыз. Жалпы, жұмыс сәттері жеткілікті», – деді 52 жастағы маман.

Неліктен 11 метрлік соққыны капитан емес, сербиялық легионер орындады?

«Ойынға дейін шешім қабылданып, әрдайым екі футболшының тегі ілінеді: №1 және №2 пенальтистер. Олар – Тағыберген мен Милованович, олар жағдайға байланысты кім соққы жасай алатынын біледі. Мүмкін, алаңда бұл шешімді өзара қабылдаған болар».

Клуб түлегінің негізгі құрамдағы дебюті

«Бақытжановты дебютімен тағы да құттықтағым келеді. Өзіміздің жас баланың пайда болғаны қуантады. Мақтап қояйын, себебі эмоциялар тасып тұрды, алаң шетінде тұрып оған көмектесуге тура келді. Алғашқы рет үшін ол жақсы өнер көрсетті: жастар командасында кездесетін талаптардан мүлдем өзгеше схемадағы тапсырмаларды орындап шықты. Ойынға жақсы қосылды».

Алғашқы ауыстыру – тек 79-минутта…

«Қосалқы құрамдағы ойыншылардың санын көрдіңіздер. Біз алғаш рет Жасты (Жұмашевты) отырғыздық. Оның әлі ойнай алмайтыны түсінікті, бірақ оны оқиғалар ортасына тарту маңызды болды – осы драйв пен энергияны сезінсін дедік. Жалғыз Зуев қана төрт позицияны жаба алатын еді, ал қалғандары – тек жастар.

Физикалық теке-тірес көбейіп, мінез талап етілген сәтте жас балаларды ертерек алаңға шығару біздің тараптан үлкен тәуекел болар еді. Иә, бұған дейін бір ауыстыру жасауға болатын еді, бірақ бапкерлер штабы жағдайға қарап әрекет етеді».

Қостанайлықтар чемпионаттағы сегізінші жеңісіне қол жеткізіп, жарыс кестесінде жетінші орынға көтерілді.

Жеңімпаздар сапында Максим Мякиш, Александр Марочкин және Урош Милованович мергендік танытты.

Жол берген қызылордалық ұжым турнир кестесінде 13-орында келеді.

«Төрешілік тақырыбын тағы қозғаймыз»: Ферапонтов «Тобылдан» жеңілгені және Салайдиннің құрамаға шақырылмауы туралы