Ромащенко «Тобылдың» белоруссиялық жұлдызы туралы: Лисакович бабына келе жатыр

«Тобылдың» бас бапкері Мирослав Ромащенко ASnews.kz сайтына берген сұхбатында беларусьтік форвард Виталий Лисаковичтің командаға бейімделуі туралы айтып берді.

«Оның қатарымызға қосылғанына қуаныштымыз. Виталийдің ерекше маңызды тұлғаға айналып үлгеруі үшін өте аз уақыт өтті, бірақ маған оның іске деген кәсіби көзқарасы ұнайды. Соңғы күндердегі жағдайына қарағанда, ол оңтайлы бабына еніп келеді және жақын арада бізге барынша көмектеседі», – деді Ромащенко.

Еске сала кетейік, 28 жастағы шабуылшы «Тобылға» 31 шілдеде ауысты. Бұған дейін Беларусь құрамасының форварды словениялық «Целе», сондай-ақ ресейлік «Локомотив» пен «Рубин» клубтарында өнер көрсеткен. Ол қостанайлықтар сапында екі матчқа қатысып үлгерді.

Екі кездесудің қорытындысы бойынша «Тобыл» «Партизанға» 1:5 есебімен жол берді. Конференция лигасының плей-офф кезеңінде сербиялық клуб өткен маусымда Ла Лигада жетінші орын алған испаниялық «Хетафемен» кездеседі.

«Ойыншыларымызға қызығушылық бар»: Ромащенко «Партизан», «Тобылдың» мақсаттары мен Чесноков туралы