«Ақтөбе» легионері – «Эспаньолдан» неге бас тартқаны туралы: орыс тілді орта факторы маңызды болды

«Ақтөбенің» жаңа ойыншысы Иван Ордец ASnews.kz сайтына берген сұхбатында Германиядағы өмірдің қиындықтары және қаржылық жағынан тиімдірек болған ұсыныстар туралы айтып берді.

«Бохумда» алғашқы айларым өте қиын болды, өйткені менталитет басқа, мәдениет басқа. Немістер еуропалық өлшеммен алғанның өзінде өзгешелеу. Олар салқынқанды, бірақ өте прагматик халық. Оларда бәрі жүйелі, ал олармен салыстырғанда испандар еркіндеу келеді.

Сонымен қатар, клубта орысша сөйлейтін жалғыз мен болғаным да қиындық тудырды», – деді Ордец.

Клубқа кезінде алматылық «Қайратта» ойнаған танымал польшалық жартылай қорғаушы Яцек Гуральскидің келуі жағдайды өзгерткен екен.

«Кейін Яцек Гуральски келді. Онымен тез тіл табысып кеттік, ол керемет адам, отбасымызбен жиі араласып тұрдық. Бастапқыда оның Қазақстанда ойнағанын білмеппін. Бірде ол күтпеген жерден менімен орысша сөйлесті. Қатты таңғалдым, себебі киім ауыстыратын бөлмеде орысша сөз естуге үйренбеген едім».

Ордец «Ақтөбеге» ауысуына тілдік ортаның маңызды рөл атқарғанын мойындады. Дегенмен оған қаржылық жағынан әлдеқайда қомақты ұсыныстар түскен.

«Орыс тілді орта факторы да маңызды болды. Иә, қаржылық тұрғыдан ең тиімді ұсыныс Сауд Арабиясынан түсті. Оған дейін испаниялық «Эспаньолдан» да ұсыныс келді. Бұйыртқаны осы болды», – деді Ордец.

Еске салайық, Иван Ордец 2022 жылдың жазында Ресейдің Украинаға басып кіруіне байланысты ФИФА-ның енгізген ережесіне сәйкес мәскеулік «Динамомен» келісімшартын бұзып, «Бохумға» ауысқан болатын. 2025 жылдың желтоқсанында 33 жастағы қорғаушы ресми түрде «Ақтөбе» ойыншысы атанды.