«Желтоқсанда қайда шығатынымызды көреміз»: «Қайрат» капитаны «Ертісті» ұтуы және еурокубоктар туралы

Алматылық «Қайраттың» капитаны Александр Мартынович ASnews.kz тілшісіне берген сұхбатында Қазақстан премьер-лигасының 23-турында павлодарлық «Ертісті» жеңген (5:0) матчтың қорытындысын шығарып, команданың Конференция лигасындағы мақсаттары туралы айтты.

«Шын мәнінде, жылдам гол соғудың сәті түсті. Мұндай командаларға қарсы ерте гол соқсаң, ойын мүлдем басқа арнаға бұрылады. Екінші голда қақпашы сәтсіз ойнады. 16-минутта 0:2 есебімен бастау [қарсыласқа қиын], шабуылдау керек, ашылу қажет, сәйкесінше бос аймақтар пайда болады», – деп түсіндірді ойын барысын Мартынович.

Команданың еурокубоктардағы, атап айтқанда Конференци лигасындағы әлеуеті туралы сұраққа жауап бере отырып, алматылықтардың капитаны асығыстық танытпауды жөн көрді:

«Мақсат – жақсы футбол көрсетуге тырысып, ұпай жинау. Ал әрі қарай, желтоқсан айында қайда баратынымызды көреміз».

Айта кетейік, «Қайрат» Марк Гуальдің хет-тригі (15, 34 және 74-минуттар) мен Эдмилсон (16-минут) және Азамат Тұяқбаевтың (83-минут) соққан голдарының арқасында «Ертісті» ірі есеппен жеңді. Қазіргі таңда алматылық клуб 63 ұпаймен ҚПЛ турнирлік кестесінде екінші орында келеді, көшбасшы шымкенттік «Ордабасыдан» төрт ұпайға қалып қойған.

Конференция лигасының бірінші турында «Қайрат» сырт алаңда «Ригамен» тең түсті (1:1). 22 қазанда қазақстандық команда Алматыда «Панатинаикосты» қабылдайды.

«Гол соғу – менің жұмысым»: Гуаль «Қайрат» сапындағы хет-тригінен кейін сұрмергендер таласы туралы