Жалақы мен сыйақы қарыз: «Алтай» ойыншыларымен толық есептеспеген

«Алтай» футбол клубының футболшылар алдында берешегі бар, деп хабарлайды ASnews.kz.

Бүгінгі таңда өскемендік клуб негізгі құрам алдындағы қаржылық міндеттемелерін толық көлемде орындамаған. Ойыншылар тамыз айындағы жалақысының тек 50%-ын ғана алды; клуб басшылығы қалған бөлігін төлеуді қазан айына шегерді.

Дегенмен, жалақыны кешіктіру мәселесі айлығы мемлекеттік бюджеттен бөлінетін субсидия лимитінен аспайтын ойыншыларға әсер еткен жоқ.

Оған қоса, «Қызылжарға» қарсы өткен сәтті матч (3:0) үшін берілуі тиіс сыйақының да тек жартысы ғана төленген.

Еске сала кетейік, ҚПЛ-дың 25-туры аясында «Алтай» «Қайсарды» жеңген болатын (2:0). Бұл жеңіс команданың турнирдегі орнын сақтап қалу жолындағы күресінде аса маңызды рөл атқарады. Кездесу аяқталғаннан кейін Шығыс Қазақстан облысының әкімі Нұрымбет Сақтағанов командаға қолдау білдірді.

«Каспийдің» экс-легионері жалақы қарызына байланысты ФИФА-ға шағым түсіргені туралы айтты